விசைச்சுருள்

கனவுகளின் நிர்தாட்சண்யமான பள்ளத்தாக்குள்
மரப்பாச்சி பொம்மையைத் தேடி
விழுந்துவிட்ட சிறுமியின் கனவு
மரப்பாச்சி பொம்மை
கருங்காலி
பொம்மை மரப்பாச்சி
கண்ணி வெடியின் லாவண்யம் சொட்டும்
பொம்மையில் இருக்கக்கூடும்
எழுப்பப்படாத கடவுளர்களின்
லிங்க நிதம்ப சூத்திரங்கள் குறித்த
பள்ளத்தாக்கின் ஒரே நிர்தாட்சண்யமான உங்கள் கனவும்
சிறுமியும் நீங்களும் கனவும்
கனவும் மரப்பாச்சியும் சிறுமியும்
நீங்களும் கனவும் மரப்பாச்சியும்
வேறுவேறல்ல என்றும் நீங்கள் இதை வாசிக்கலாம்.